யாழ்ப்பாணம் நயினாதீவு நாகவிகாரை புனிதப் பிரதேசமாக பிரகடனம்

யாழ்ப்பாணம், நயினாதீவில் அமைக்கப்பட்டுள்ள நாகதீபம் விகாரையை புனித பிரதேசமாக அரசு பிரகடனப்படுத்த உள்ளது. இது தொடர்பான அறிவிப்பு யாழ் அரச செயலகத்துக்கு அனுப்பப்பட்டுள்ளதாக தெரிவிக்கப்பட்டுள்ளது.
குடாநாட்டின் நல்லூர் மற்றும் நயினாதீவு நாகபூஷணி அம்மன் உள்ளிட்ட பல வரலாற்றுப் புகழ் மிக்க இந்து ஆலயங்கள் உள்ள போதும் அரசு இவை எவற்றையுமே புனித பிரதேசமாக அறிவித்திருக்கவில்லை.
அரசின் நயினாதீவு நாகவிகாரையை புனித பிரதேசமாக மாற்றும் திட்டமானது யாழ்ப்பாணத்தை சிங்கள பௌத்த பிரதேசமாக மாற்றும் திட்டத்தின் படிக்கட்டாக அமையும் என அவதானிகள் கருதுகின்றனர்.
ஏற்கனவே வலிகாமம் உயர்பாதுகாப்பு வலயத்தில் மாதகல் பகுதியிலும் சங்கமித்தை வந்திறங்கியதாக தெரிவித்து விகாரை ஒன்று பெரிய அளவில் அமைக்கப்பட்டுள்ளது.

தற்போது, நயினாதீவு நாகதீபம் விகாரையை புனித பிரதேசமாக பிரகடனப்படுத்துவதற்கு ஏதுவாக நில அளவைப் பணிகளை மேற்கொள்ளுமாறு நிலஅளவைத் திணைக்களத்திற்கு அரச உயர் மட்டத்திலிருந்து உத்தரவு பிறப்பிக்கப்பட்டுள்ளது.
தனிச் சிங்களத்தில் இது தொடர்பான கடிதம் ஒன்று வேலணைப் பிரதேச செயலகத்தை வந்தடைந்திருப்பதாகவும் தெரிய வருகின்றது. எனினும் யாழ் குடா நாட்டிலுள்ள அரச அதிகாரிகள் அச்சம் காரணமாக இது தொடர்பான தகவல்களை ஊடகங்களுக்கு வழங்க மறுத்து வருகின்றனர்.
இதனைவிடவும் ஆக்கிரமிக்கப்பட்ட வன்னிப் பகுதிகளிலும் பல்வேறு இடங்களில் விகாரைகள் அமைக்கப்பட்டுள்ளதுடன், சிங்களக் குடியேற்றம் மற்றும் சிங்கள மயமாக்கல் நடவடிக்கைகள் தீவிரப்படுத்தப்பட்டு வருகின்றமையும்,  தமிழர்களின் அடையாளச் சின்னங்கள் அழிக்கப்பட்டு வருகின்றமையும்  குறிப்பிடத்தக்கது.

யாழ் பல்கலைகழக பட்டமளிப்பு விழா விடியோ தொகுப்பு

 
யாழ் பல்கலைகழக பட்டமளிப்பு விழா புகைபடதொகுப்பு

                                                                                

யாழ் பல்கலைகழக பட்டமளிப்பு விழா விடியோ தொகுப்பு


















Thanks ethiri.com

சாவகச்சேரியில் 13 நாள்களுக்கு முன்னர் கடத்தப்பட்ட மாணவன் நேற்றுச் சடலமாக மீட்பு! குடாநாட்டில் பெரும் பீதியும் பரபரப்பும்!!

சாவகச்சேரி, பெரிய அரசடிப் பகுதியில் பதின்மூன்று நாள் களுக்கு முன்னர் கடத்தப்பட்ட பதினாறு வயது மாணவனும் பிரபல வர்த்தகர் ஒருவரின் மகனுமான திருச்செல்வம் கபில நாத்தின் சடலம் நேற்றுப் பிற்பகலில் நகரப் பகுதியில், டச்சு வீதியில் உள்ள வீடொன்றின் வாழைத்தோட்டத்தில

யாழ்ப்பாணம், மார்ச் 28
சாவகச்சேரி, பெரிய அரசடிப் பகுதியில் பதின்மூன்று  நாள் களுக்கு முன்னர் கடத்தப்பட்ட பதினாறு வயது மாணவனும் பிரபல வர்த்தகர் ஒருவரின் மகனுமான திருச்செல்வம் கபில நாத்தின் சடலம் நேற்றுப் பிற்பகலில் நகரப் பகுதியில், டச்சு வீதியில் உள்ள வீடொன்றின் வாழைத்தோட்டத்தில் புதைகுழி யில் இருந்து மீட்கப்பட்டது.
கொழும்பில் இருந்து வந்த விசேட பொலிஸ் புலனாய்வுப் பிரிவினர் நடத்திய விசாரணைகளைத் தொடர்ந்து சடலம் புதைகுழியில்  இருந்து மீட்கப்பட்டது.
மாணவன் கபிலநாத் கடத்தப்பட்ட பின்னர் மூன்று கோடி ரூபா கப்பம் தருமாறு அவரின் பெற்றோர் அச்சுறுத்தப்பட்டனர் என்று ஊர்ஜிதப்படுத் தப்படாத தகவல்கள் தெரிவித்தன.
குடாநாட்டில் சற்று அமைதி நிலை தோன்றிவரும் இவ்வேளையில், மேற்படி  சம்பவம் மக்கள் மத்தியில் பெரும் பீதியையும் பரபரப்பையும் தோற்றுவித்திருக்கிறது.
இந்தச் சம்பவத்தில் படுகொலை செய் யப்பட்டவர் அருள் விநாயகர் மோட்டோர்ஸ் உரிமையாளர் எஸ்.திருச்செல்வத்தின் மக னான கபிலநாத் (வயது 16) என்பவரா வார். இவர் சாவகச்சேரி இந்துக் கல்லூரி ஜி.சீ.ஈ (சாதாரண) தர வகுப்பு மாணவன். கடந்த டிசெம்பரில் நடைபெற்ற பரீட் சைக்குத் தோற்றியிருந்தார்.
இந்தச் சம்பவம் பற்றித் தெரியவந்துள் ளவையாவது:
இம்மாதம் 14ஆம் திகதி இரவு அவரது வீட்டுக்கு வந்த சிலர் இவரது பெயரைக் கூறி வெளியே அழைத்துச் சென்றனர். அதன் பின்னர் அன்று இரவு தொலை பேசியில் தொடர்புகொண்டு மூன்று கோடி ரூபா கப்பம் தந்தால் விடுதலை செய் வோம் என்று கடத்தியவர்கள் தெரிவித் துள்ளனர். தேர்தல் பணிக்காகவே இந்தப் பணம் கேட்பதாக, சில கட்சிகளின் சின் னங்களைக் கூறி கடத்தல்காரர் கப்பம் கோரினர்.
நண்பர்கள் மூவர் கைதாகினர்
இந்தச் சம்பவம் குறித்து சாவகச்சேரி பொலிஸார் விசாரணைகளை மேற்கொண்டு அவரது நண்பர்களான மூவரைக் கைது செய்தனர். அவர்களில் இருவர் ஜி.சீ.ஈ (உயர்தர) வகுப்பு மாணவர்கள். மற்றைய வர் ஜி.சீ.ஈ (சாதாரண) வகுப்பு மாணவன். மூவரும் சாவகச்சேரி இந்துக் கல்லூரியில் கல்வி பயின்று வந்தனர்.
உயர்தர வகுப்பு மாணவர்கள் இருவ ரும் எதிர்வரும் ஓகஸ்ட் மாதம் நடைபெறும் பரீட்சைக்குத் தோற்றவிருக்கின்றனர். மற்ற மாணவன் கடந்த டிசெம்பர் மாதம் சாதா ரண தரப்பரீட்சைக்குத் தோற்றியிருந்தார். பொலிஸார் கைது செய்த பிரஸ்தாப மாண வர்கள் சாவகச்சேரி நீதிமன்றில் ஆஜர் செய்யப்பட்டு நீதிமன்ற அனுமதியுடன் பொலிஸ் நிலையத்தில் வைத்து விசாரிக் கப்பட்டனர்.
கொழும்பில் இருந்து
விசேட பொலிஸ் குழு
கொழும்பில் இருந்து வருகை தந்த விசேட பொலிஸ் கோஷ்டி பிரஸ்தாப மாண வர்கள் மூவரையும் விசாரணை செய்து வந்தனர். இந்த விசாரணையின் தொடர்ச்சி யாக கைது செய்யப்பட்ட மாணவர்கள் வழங்கிய தகவலின் அடிப்படையில், தடுத்து வைக்கப்பட்டுள்ள மாணவர்க ளில் உயர்தர வகுப்பு மாணவனான யோக நாதன் காண்டீபன் என்பவரின் வீட்டை சுற்றிய பகுதியை பொலிஸாரும் இராணு வத்தினரும் இணைந்து நேற்று முன் தினம்  தேடுதல் நடத்தினர்.
அந்த மாணவனின் வீடு சாவகச்சேரி ஆஸ்பத்திரிக்கு அருகில் உள்ள தனியார் ஒழுங்கை ஒன்றில் அமைந்துள்ளது. நக ரில் இருந்து 500மீற்றர் தூரத்தில் டச்சு வீதியை அண்டியதாக அந்த ஒழுங்கை உள் ளது.
சம்பவ இடத்துக்கு நீதிவான்
நேற்றுப்பிற்பகல் ஒரு மணியளவில் டச்சு வீதி மற்றும் அண்டிய அந்த ஒழுங்கை ஆகிய பகுதிகளை சுற்றிவளைத்த பொலி ஸார் அந்தப் பகுதிக்குள் எவரும் உள் செல்லக்கூடாது என்று தடைவிதித்தனர்.
சாவகச்சேரி நீதிவான் ரி.ஜே.பிரபா கரன் சம்பவ இடத்துக்குச் சென்றார். அவ ரது முன்னிலையில் குறிப்பிட்ட மாண வனின் வீட்டுக்கு பிற்புறமாகவுள்ள வாழைத் தோட்டத்தில் புதைகுழி ஒன்று தோண்டப் பட்டது. மூன்று அடி ஆழமுள்ள அந்தப் புதைகுழிக்குள் இருந்து அழுகிய நிலை யில் சடலம் மீட்கப்பட்டது. தமது மகனின் சடலம் என உறவினர் சடலத்தை அடை யாளம் காட்டினர்.
யாழ்.போதனா வைத்தியசாலை சட்ட வைத்திய அதிகாரியை சம்ப இடத்துக்கு அழைத்து சடலத்தை பிரேத பரிசோத னைக்காக ஒப்படைக்குமாறு நீதிவான் உத்தரவிட்டார்.
நேற்று மாலை 5.30மணிளவில் சம்பவ இடத்துக்குச் சட்ட வைத்திய அதிகாரி சென் றார். சடலம் யாழ்.ஆஸ்பத்திரிக்கு எடுத்து வரப்பட்டது.
பிரஸ்தாப வீட்டில் வசித்து வரும் உயர் தர பரீட்சை மாணவனின் தந்தை வெளி நாட்டில் உள்ளார். அவரது மனைவி தனது மற்றொரு மகனை கொழும்புக்கு அழைத் துச் சென்றார். அப்போது உயர்தர வகுப்பு மாணவன் மட்டும் வீட்டில் இருந்தார்.
இறந்தவர் கடத்தப்படுவதற்கு முதல் நாள் கொழும்பு சென்ற உயர்தர வகுப்பு மாணவனின் தாயார் மகனைக் கைது செய்த செய்தி கேட்டு மறுநாளே சாவகச் சேரிக்கு திரும்பியிருந்தார்.
பெரும் எண்ணிக்கையானவர்கள், அரசியல்கட்சிகளின் பிரமுகர்கள் அங்கு கூடிய போதும் சடலத்தைப் பார்வையிட பொலிஸார் எவரையும் அனுமதிக்க வில்லை.
குடாநாட்டில் வன்செயல்கள் சற்றுக் குறைந்து வரும் வேளையில் இச் சம்பவம் குடாநாடு முழுவதும் பெரும் பீதியையும் பரபரப்பையும் ஏற்படுத்தியுள்ளது.

மீள்குடியமரும் மக்களுக்கான நிதியுதவியை ஐ.நா. நிறுத்தியது - போதிய நிதி இல்லையாம்

உள் நாட்டுப் போரினால் இடம்பெயர்ந்து பின்னர் தமது சொந்த இடங்களில் மீளக் குடியமரும் மக்களுக்கு வழங்கப்பட்டு வந்த நிதியுதவிதற்காலிகமாக இடைநிறுத்தப்பட்டுள்ளதாக ஐக்கிய நாடுகள் சபையின் அகதிகளுக்கான தூதுவராலயம் தெரிவித்துள்ளது.

ஒதுக்கப்பட்ட நிதி பற்றாக்குறையாகவுள்ளதாலேயே நிதியுதவி நிறுத்தப்பட்டதாகக் கொழும்பில் உள்ள ஐ.நா.சபையின் அகதிக ளுக்கான தூதுவராலயப் பேச்சாளர் சொலக் கனி பெரேரா தெரிவித்தார். அவர் மேலும் கூறியதாவது,

ஒதுக்கப்பட்ட நிதி நிலைமையில் ஏற்பட்ட பற்றாக்குறை காரணமாகவே மீளக்குடியமரும் மக்களுக்கு வழங்கப்பட்டு வந்த நிதியு தவி தற்காலிகமாக இடைநிறுத்தப்பட்டுள்ளது.இம் மக்களில் இதுவரை உதவித் தொகை வழங்கப்படாமல் இருந்த குடும்பங் களுக்கு மார்ச் மாதம் இறுதி வரையில் 3மில்லியன் அமெரிக்க டொலர் வரை தேவைப்படுகின்றது.

இந்த நிதியுதவியைப் பெறுவதற்கான முன் முயற்சிகளில் நாம் ஈடுபட்டுள்ளோம். 2010 ஆம் ஆண்டுக்குள் மொத்தமாக 13 மில்லியன் அமெரிக்க டொலர் நிதியுதவி மக்களுக்கு வழங்குவதற்குத் தேவைப்படுகின்றது.

எதிர்வரும் மாதங்களில் இந்த நிதியுதவி எமக்குக் கிடைக்காத பட்சத்தில் மீளக்குடியமர் வதற்காக இடைத்தங்கல் முகாம்களில், நண்பர்கள், உறவினர்களின் வீடுகளில் தங்கியுள்ள குடும்பங்களுக்கு இந்த நிதியுதவி கிடைக்காமல் போகும் சந்தர்ப்பம் உண்டு.

இதேவேளை ஐ.நாவின் தூதரகத்தினால் வழங்கப்படும் உடுபுடைவைகள், பாய்கள், நுளம்பு வலைகள், சமையல் பாத்திரங்கள் மற்றும் காடுகளைச் சுத்தம் செய்வதற்கு வழங்கப்படும் உபகரணங்கள் தொடர்ந்தும் வழங்கப்படும் என்றும் மக்களின் வாழ்க்கையை மேம்படுத்தும் பணி தொடர்ந்தும் மேற் கொள்ளப்படும் என்றும் அவர் மேலும் தெரி வித்துள்ளார்.

அபூர்வ வெள்ளை இன கங்காருவின் பிரவசம்

 

வெள்ளை இன கங்காரு

25 ஆவது பட்டமளிப்பு விழா இன்று கைலாசபதி கலையரங்கில் ஆரம்பம்

யாழ்ப்பாணப் பல்கலைக்கழகத்தின் 25- வது பட்டமளிப்பு விழா இன்று முதல் மூன்று நாள்களுக்குக் கோலாகலமாக நடைபெறவுள்ளது. நவீன முறையில் வடிவமைக்கப்பட்ட குளிரூட்டப்பட்ட கைலாசபதி கலையரங்கில் இப் பட்டமளிப்பு விழா நடைபெறவுள்ளது. இதில் 2005,2006 மற்றும் 2007 ஆகிய வருடங்களில் கற்கை நெறிகளைப் பூர்த்திசெய்த 3 ஆயிரத்து 972 பேர் பட்டம் பெறவுள்ளனர்.

யாழ்.பல்கலைக்கழக வேந்தர் பேராசிரி யர் ம.சிவசூரிய தலைமையில் நடைபெறும் பட்டமளிப்பில் ஒவ்வொரு நாளும் 15 அமர் வுகள் நடைபெறும். இப் பட்டமளிப்பு விழாவில் கலாநிதி, முது கலைமாணி, இளமாணி, பட்டப்பின் டிப்ளோமா ஆகிய பட்டங்கள் மாணவர்களுக்கு வழங்கப்படவுள்ளன.

சுமார் ஐந்து வருட கால இடைவெளியின் பின் பட்டமளிப்பு விழா நடைபெறவுள்ளமை குறிப்பிடத்தக்கது.இதேவேளை இப் பட்டமளிப்பு விழாவில் சமுதாய பிரதேச திட்டமிடல், தொல்லியல் ஆகியவற்றுக்கான பட்டங்கள் இன்றுமுதல் முறையாக வழங்கப்படவுள்ளது.

இதேவேளை இப் பட்டமளிப்பு விழா சிறப் புற நடைபெற முன்னாள் துணைவேந்தர் பேராசிரியர் பொ.பாலசுந்தரம்பிள்ளை வாழ்த் துத் தெரிவித்துள்ளார். இவரது பதவிக் காலத்தில் ஆறு பட்ட மளிப்பு விழாக்கள் நடைபெற்றமை குறிப்பிடத்தக்கது.

பத்து ஓவர் மட்டுப்படுத்தப்பட்ட பெண்களுக்கான கிரிக்கெட் போட்டி

வலிகாமம் கல்வி வலயப் பாடசாலை அணிகளுக்கு இடையே முன்னாள் யாழ்ப்பாணம் கொழும்பு நாடாளுமன்ற உறுப்பிணர் அமரர் மகேஸ்வரன் ஞாபகார்த்த வெற்றிக்கிண்ணத்திற்கான முதல் தடவையாக இடம் பெற்ற பெண்களுக்கான பத்து ஓவர்களுக்கு மட்டுப்படுத்திய கிரிக்கெட் போட்டியில் சுஜிந்தினியின் ஹற்றிக் சாதனையுடன சுழிபுரம் விக்டோரியாக் கல்லூரி சம்பியனாக தெரிவு செய்யப்பட்டுள்ளது.

மானிப்பாய் இந்துக் கல்லூரி மைதானத்தில் இடம் பெற்ற இறுதி ஆட்டத்தில் சுழிபுரம் விக்டோரியாக் கல்லூரியும் அளவெட்டி அருணோதயா கல்லூரியும் மோதிக்கொண்டன முதலில் துடுப்பெடுத்தாடிய விக்டோரியாக் கல்லூரி 07 விக்கெட்டுக்களை இழந்து 109 ஓட்டங்களை பெற்றுக் கொண்டது றதீபா32, பிரணவி ஆட்மிழக்காது 27, ரஜிதா சுகந்தி தலா 13 ஓட்டங்களை பெற்றுக் கொண்டார்கள்.

அருணோதயாக் கல்லூரியைச் சேர்ந்த பிரியா 02 ஓவாகள் பந்து வீசி 19 ஓட்டங்களுக்கு 02 விக்கெட்டு;க்களையும் காவேரி சதீஸ்கா நதீபனா தலா 02 ஓவர்கள் பந்து வீசி முறையே 17,18,25, ஓட்டங்களைக் கொடுத்து தலா ஒவ்வொரு விக்கெட்டையும் கைப்பற்றினார்கள்.

110 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய அருணோதயாக் கல்லூரி 10 ஓவர்கள் நிறைவில் 09 விக்கெட்டுக்களை இழந்து 71 ஓட்டங்களை பெற்றுக் கொண்டது தர்மின் 27, நதீபனா 11 காவேரி 10 ஓட்டங்களை பெற்றுக் கொண்டார்கள்.

விக்டோரியாக் கல்லூரியைச்சேர்ந்த சுஜிந்தினி 02 ஓவர்கள் பந்து வீசி 08 ஓட்டங்களுக்கு மூன்று விக்கெட்டுகளை கைப்பற்றினார் இவர் தனது முதலாவது ஓவரின் 04,05,06 ஆவது பந்துகளில் தொடர்ந்து விக்கெட்டுக்களை கைப்பற்றி இந்த சாதiனையை ஏற்படுத்தியுள்ளார்

மற்றும் பானுப்பிரியா 02 ஓவர்கள் பந்து வீசி 05 ஓட்டங்களுக்கு 03 விக்கெட்டுக்களையும் கோபிகா 02 ஓவர்கள் பந்து வீசி 23 ஓட்டங்களுக்கு 02 விக்கெட்டுக்களையும் சஜிதா 02 ஓவர்கள் பந்து வீசி 13 ஓட்டங்களுக்கு ஒரு விக்கெட்டையும் கைப்பற்றினார்கள்

போட்டிகளுக்கு ஐக்கிய தேசியக் கட்சியின் முதன்மை வேட்பாளர் விஜயகலா மசேஸ்வரன் ஸ்ரீகஜன் ஊட்பட மற்றும் அதிகாரிகளும் கலந்து கொண்டார்கள் போட்டியில் சிறந்த துடுப்பாட்டம் மற்றும் ஆட்டநாயகியாக விக்டோரியாக் கல்லூரியைச்சேர்ந்த பானுப்பிரியாவும், சிறந்த பந்து வீச்சாளராக விக்டோரியாக் கல்லூரியைச்சேர்ந்த சுஜிந்தினியும் சிறந்த களத்தடுப்பாளராக அருணோதயாக் கல்லூரியைச்சேர்ந்த நதீபனாவும்,தெரிவு செய்யப்பட்டதுடன் சுற்றுப் போட்டியில் முதல் 106 ஓட்டங்களைப் பெற்ற மானிப்பாய் மகளிர் கல்லூரி வீராங்கனை சர்மிலா விசேட பரிசில் வழங்கியும் கௌரவிக்கப்படடனர்.

இலினொய்ஸ் மாநில துணை ஆளுனராகத் தமிழர் : ஒபாமா தீர்மானம்

அமெரிக்க இலினொய்ஸ் மாநிலத் துணை ஆளுநராக தமிழர் ஒருவர் நியமிக்கப்படவுள்ளார். ஜனாதிபதி பரக் ஒபாமா இதற்கான தீர்மானித்தை எடுத்துள்ளார்.

அமெரிக்காவில் வாழும் தமிழரான ராஜா கிருஷ்ணமூர்த்தி என்பவரையே ஜனாதிபதி ஒபாமா துணை ஆளுனராக நியமிக்கத் தீர்மானித்திருப்பதாகத் தெரிவிக்கப்படுகிறது.

இவர் ஒபாமாவின் அரசாங்கத்தில் கொள்கை திட்டமிடல் ஆலோசகராக கடமையாற்றியவராவார்.

இலினொய்ஸ் மாநிலத்துக்கான ஆளுநர், துணை ஆளுநர் பதவிகளுக்கான தேர்தல் எதிர்வரும் நவம்பர் மாதம் இடம்பெறவுள்ளது.

துணை ஆளுநராக ராஜா கிருஷ்ணமூர்த்தி தெரிவு செய்யப்பட்டால், அமெரிக்க மாநிலமொன்றில் இந்தப் பதவியை வகிக்கும் முதலாவது தமிழர் என்ற பெருமை இவரைச் சார்ந்திருக்கும்.

ஜனாதிபதி ஒபாமாவின் நீண்டகால நண்பர் ராஜா கிருஷ்ணமூர்த்தி. கடந்த காலங்களில், ஒபாமாவின் தேர்தல் பிரசாரங்களில் ராஜா கிருஷ்ணமூர்த்தி முக்கிய பங்கெடுத்திருந்தமை குறிப்பிடத்தக்கது.

ஹிட்லரின் கடிதம் 5,75,000 ரூபாவுக்கு ஏலம்

அடால்ப் ஹிட்லர் எழுதிய கடிதம் ஒன்று, 5 லட்சத்து 75 ஆயிரம் ரூபாய்க்கு ஏலம் விடப்பட்டது. அமெரிக்காவைச் சேர்ந்த கென்னத் ரெண்டல் என்பவர், அந்தக் கடிதத்தை ஏலம் எடுத்தார்.

பிரிட்டன் மற்றும் ஜெர்மனி இடையே உண்மையான நல்லுறவை விரும்புவதாக, அடால்ப் ஹிட்லர் எழுதிய கடிதமே இவ்வாறு ஏலம் விடப்பட்டது.

பிரிட்டன் எதிர்கொண்ட பொருளாதார நெருக்கடி குறித்து, கட்டுரை ஒன்றை எழுதுமாறு, அந்நாட்டைச் சேர்ந்த பத்திரிகையாளர் செப்லான் டெல்மர் என்பவர், ஹிட்லரிடம் கேட்டிருந்தார்.

அதற்கான தன் பதிலை, 1931ஆம் ஆண்டு செப்டம்பர் 30ஆம் திகதியிட்ட ஒரு பக்க கடிதம் மூலம், ஜெர்மனியை ஆட்சி செய்த சர்வாதிகாரியான ஹிட்லர் அனுப்பி வைத்தார்.

தட்டச்சுப் பதிவிலான அந்தக் கடிதத்தில்,

"முதலாவது உலகப் போரின் வருத்தமான உணர்வுகளில் இருந்து விடுபட்டு, பிரிட்டன் மற்றும் ஜெர்மனி இடையே உண்மையான நல்லுறவை உணர்ந்தால், நான் மிகவும் சந்தோஷமடைவேன்" எனத் தெரிவித்திருந்தார். இந்தக் கடிதத்தை ஏலம் விட்ட போது அமெரிக்காவைச் சேர்ந்த கென்னத் ரெண்டல், அந்தக் கடிதத்தை 5 லட்சத்து 75 ஆயிரம் ரூபாவுக்கு ஏலம் எடுத்தார்.

இவர், மசாசூசெட்ஸ் பகுதியில் அமைந்துள்ள இரண்டாம் உலகப் போர் அருங்காட்சியகத்தின் உரிமையாளர். இந்தக் கடிதத்தை வாங்கியது குறித்து அவர்,

"இது மிகவும் முக்கியத்துவம் வாய்ந்த ஏலம். வரலாற்று சிறப்பு மிக்க இந்தக் கடிதத்திற்கு 24 லட்சம் ரூபா வரை கொடுக்கத் தயாராக இருந்தேன்" என்றார்.

ஹிட்லர் காலத்தில் மிகவும் பிரபலமாக இருந்த பிரிட்டன் நிருபர்களில்ஒருவர் டெல்மர். ஹிட்லரை நேரடியாகப் பேட்டி எடுத்த பிரிட்டன் நாட்டைச் சேர்ந்த முதல் நிருபரான இவர், 1932ஆம் ஆண்டு தேர்தல் பிரசாரத்தின் போது, ஹிட்லருடன் விமானத்தில் பயணம் செய்துள்ளார்.

ஐ.நா. அலுவலகம் செல்லும் தமிழர்களுக்கு அச்சுறுத்தல்?

ஜெனீவாவில் உள்ள ஐக்கிய நாடுகள் அமைப்பின் அலுவலகத்தின் நுழைவாயிலில் சிங்களவர்கள் கூடி நின்று அங்கு செல்லும் தமிழர்களை நிழற்படம் எடுத்து அச்சுறுத்துவதாகத் தெரிய வந்துள்ளது.

தமிழர் மனித உரிமைகள் நடுவகத்தின் பொதுச் செயலாளர் கிருபாகரன் இது குறித்துத் தகவல் வெளியிட்டார். இம் மாதம் 12 ஆம் திகதி ஐக்கியநாடுகள் மனித உரிமைச் சபையின் அமர்வில் கலந்து கொள்ளத் தான் சென்றவேளை தன்னைச் சிங்க ளத்தில் நிந்தித்ததாகவும் தன்னை அவர்கள் நிழற்படம் பிடித்தார்கள் என்றும் கிருபாகரன் குறிப்பிட்டார்.

அந்தச் சிங்களவர்கள் ஜெனீ வாவில் உள்ள இலங்கைத் தூதரகம் உட்பட்ட நிலையங்களின் சாரதிகளென்றும் அவர் குறிப்பிடுகின்றார். அந்தச் சமயத்தில் பிடிக்கப்பட்ட நிழற்படத்தைப் பிரசுரித்துக் கொழும்பில் இருந்து வெளிவரும் திவயின நாளேட்டில் தன்னை அவ தூறு செய்யும் விதமான செய்தி ஒன்று கடந்த ஞாயிற்றுக்கிழமை வெளியிடப்பட்டது என்றும் கிருபாகரன் மேலும் தெரிவித்தார்.

ஐக்கிய நாடுகள் மனித உரிமைச் சபையின் அமர்வுகளில் தான் கலந்து கொள்வதைத் தடுக்கும் முயற்சியே அதுவென்று கிருபாகரன் மேலும் கூறினார்.

உண்மையின் தரிசனம் (காணொளி )

  
ஈழ மக்களின் துயரங்கள் உண்மையின் தரிசனம்  நிகழ்ச்சியில் (காணொளி )

Unmain Tharisanam @ Yahoo! Video

இலங்கை அரசுக்கான ஆதரவினை விலக்கிக்கொள்ள இந்தியா திட்டம்? - மேற்குலகுடன் இணைகின்றது

இலங்கை அரசுக்கு எதிரான போர்க்குற்ற விசாரணைகள் விடயத்தில் ஐக்கிய நாடுகள் சபை முன்னெடுத்த நடவடிக்கைகளுக்கு இலங் கைக்கு ஆதரவான நாடுகள் உட்பட பன்னாட்டு சமூகம் ஒரு வரைய றைக்கு அப்பால் இலங்கைக்கு ஆதரவு வழங்கப் போவதில்லை என வும் இந்தியா, சீனா உட்பட இலங்கைக்கு நெருக்கமான நாடுகளும் மேற்குலகைப் பகைக்காமல் ஐக்கிய நாடுகள் சபையின் நடவடிக்கைக்கு ஆதரவு வழங்கும் சாத்தியக் கூறுகளே காணப்படுவதாக கொழும்பு அரசியல் வட்டாரங்கள் தெரிவித்துள்ளன.
இலங்கையின் போர்க் குற்றங்கள் தொடர்பாக விசாரணை நடத்துவதற்கு ஐக்கிய நாடுகள் சபையின் செயலாளர் நாயகம் பான் கீ மூன் நிபுணர்கள் குழு ஒன்றை நியமிப்பதற்கு முடிபெடுத்திருப்பது தொடர்பில் இலங்கைக்கு ஆதரவாக ஐக்கிய நாடுகள் சபையில் அங்கம் வகிக்கும் அணிசேரா நாடுகள் பான் மூனுக்கு எதிராகப் போர்க் கொடி தூக்கியிருப்பதாகத் தெரிவிக்கப்பட்டிருக்கின்றது.


ஆனால் ஐ.நா. செயலாளர் நாயகத்திற்கு அணிசேரா நாடுகள் அனுப்பி வைத்துள்ள இந்த எதிர்ப்புக் கடிதத்திற்கு ஆதரவு வழங்குவ தாக பகிரங்கமாக அறிவிக்கவும் இல்லை, இலங்கைக்கு ஆதரவாக தனது கருத்தினை வெளியிடவும் இல்லை.

இலங்கைக்கு எதிரான போர்க் குற்ற விசாரணைகள் விடயத்தில் மேற்குலகம் தற்போது மிகுந்த சிரத்தைக் காண்பிப்பதனால் இந்த விவ காரத்தில்தான் இனிமேலும் இலங் கைக்கு ஆதரவளிப்பதாக அறிவி த்து மேற்குலகினைப் பகைத்துக் கொள்ளக் கூடாது என்பதில் இந் தியா மிகுந்த அவதானமாகச் செயற்படுகின்றது. இது இவ்வாறிருக்க இலங்கை க்கு ஆதரவளிப்பதாகத் தெரிவித்த பல அணிசேரா நாடுகளே ஐ.நா. செயலாளர் நாயகத்திற்கான கடிதத் தில் கையயழுத்திடவில்லை என்று தெரிவிக்கப்பட்டுள்ளது. அத்துடன் இலங்கைக்கு மிகவும் நெருக்கமான நாடான லிபியாவின் பேச்சாளர் ஒருவரிடம் போர்க் குற் றங்கள் தொடர்பாக கேட்கப்பட்ட கேள்விக்குப் பதில் அளிக்காமல் அந்தக் கேள்விக்கான பதிலை இலங்கையிடமோ அல்லது ஐ.நா விடமோ கேட்கும்படி கூறி நழுவி யுள்ளார்.

முதன் முறையாக வலிகாமம் வலயக் கல்வி பாடசாலை பெண்கள் உதைபந்தாட்டப் போட்டி

வலிகாமம் கல்வி வலயப் பாடசாலை அணிகளுக்கு இடையில் முதல் முறையாக இடம் பெற்ற பெண்களுக்கான உதைபந்தாட்ட சுற்றுப் போட்டியில் மானிப்பாய் மகளிர் கல்லூரி யாழ்ப்பாணம் கொழும்பு நாடாளுமன்ற முன்னாள் உறுப்பினர் அமரார் மகேஸ்வரன் வெற்றிக்கிண்ணத்தை கைப்பற்றிக் கொண்டது.

மானிப்பாய் இந்துக் கல்லூரி மைதானத்தில் இடம் பெற்ற இறுதிப் போட்டியில் மானிப்பாய் மகளிர் கல்லூரியும் மல்லாகம் குளமங்கால் றோமன் கத்தோலிக்க தமிழ் கலவன் பாடசாலையும் விளையாடின.

முதல் பாதி ஆட்டத்தில் இரு அணிகளும் சிறப்பாக விளையாடின எனினும் முதல் பாதி ஆட்டம் வரை இரு அணிகளும் கோல்கள் எதனையும் பெறாத நிலையில் ஆட்டம் இடை நிறுத்தப்பட்டது. இரண்டாம் பாதி ஆட்டத்திலும் இரு அணிகளும் கோல்கள் எதனையும் பெறாத நிலையில் ஆட்டம் சமநிலையில் முடிவடைந்தது.

வெற்றி தோல்வியைத் தீர்மானிப்பதற்காக சம நிலை தவிர்ப்பு உதைகள் வழங்கப்பட்டதைத் தொடர்ந்து முதல் இரு கோல்களை குளமங்கால் பாடசாலை பெற்றுக் கொண்ட போதிலும் அடுத்து வந்தவாகள் கோல்கள் அடிக்கத் தவறிவிட்டார்கள் மானிப்பாய் மகளிர் கல்லூரியில் முதல் மூன்று பேரும் கோல்கள் பெறாது பந்துகள் தடுக்கப்பட்ட போதிலும் இறுதியாக வந்த இருவரும் கோல்கள் பெற்றதைத் தொடர்ந்து முதல் ஜந்து உதைகளில் இரு அணிகளும் தலா இரண்டு உதைகளை கோல்களாகப் பெற்று சமநிலையில் மீண்டும் காணப்பட்டார்கள்.

இந் நிலையில் மீண்டும் இரு அணிகளில் இருந்தும் ஒவ்வொருதர் கோல்கள் பெற விடப்பட்ட போதிலும் குளமங்கால் வீராங்கனை பந்தை வெளியால் அடித்தார் மானிப்பாய் மகளிர் கல்லூரி வீராங்கனை அடித்த பந்து களமங்கால் கோல்காப்பாளரினால் தடுத்து நிறுத்தப்பட்டது.

இதனை மத்தியஸ்தார் முதலிலேயே கோல்காப்பாளர் நகர்ந்து விட்டார் என அறிவித்து மீண்டும் ஒரு சந்தர்ப்பத்தை மானிப்பாய் மகளிர் கல்லூரிக்கு வழங்கியதைத் தொடர்ந்து மானிப்பாய் மகளிர் கல்லூரி அணி ஒரு கோலை பெற்றுக் கொண்டது.

இதனைத்தொடர்ந்து நிலையில் மானிப்பாய் மகளிர் கல்லூரி 03க்கு 02 என்ற கோல் கணக்கில் மல்லாகம் களமங்கால் மகா வித்தியாலயத்தை வெற்றி பெற்று அமரார் மகேஸ்வரன் வெற்றிக் கிண்ணத்தை தனதாக்கிக் கொண்டது. 

நிபுணர்கள் குழுவை அமைத்தால் வீட்டோ அதிகாரம் ஐ.நா.மீது பாயும் - சீனாவும் ரஷ்யாவும் எச்சரிக்கை

இலங்கையில் இடம்பெற்ற போர்க் குற்றங்களை ஆராய ஐக்கிய நாடுகள் சபைச் செயலாளர் பான் கீ மூன், நிபுணர் குழுவை அமைத்து அதன் அறிக்கையைப் பாதுகாப்புச் சபையில் சமர்ப்பித்தால் தமது வீட்டோ அதிகாரத்தைப் பயன்படுத்தி அதனைத் தடுக்க நடவடிக்கை எடுக்கப்படும் என சீனாவும் ரஷ்யாவும் எச்சரித்துள்ளன.

இலங்கையில் இடம்பெற்றுள்ளதாகக் கூறப்படும் போர்க் குற்றங்களை ஆராய ஐக்கிய நாடுகள் சபைச் செயலாளர் நாயகம் நிய மிக்க உத்தேசித்துள்ள நிபுணர்கள் அடங்கிய குழுவுக்குச் சீனா மற்றும் ரஷ்யா ஆகிய நாடுகள் தமது எதிர்ப்பை வெளியிட்டுள்ளன.

இந்த இரு நாடுகளும் ஐக்கிய நாடுகள் பாதுகாப்புச் சபையில் அங்கம் வகிக்கின்றன. பிரித்தானியா மற்றும் அமெரிக்கா ஆகிய நாடுகளின் கடுமையான அழுத்தங்கள் காரணமாக ஐக்கிய நாடுகள் செயலாளர் நாய கம் அமைக்க உள்ள இந்தக் குழு தொடர்பில் இலங்கைக்கு முழுமையான ஆதரவை வழங்க ரஷ்யப் பிரதமர் விளாடீமீர் புட்டின் மற் றும் சீனத் தலைவர்கள் தெரிவித்துள்ளதாக அரசாங்கத்தின் உயர் மட்டத்தரப்பு தகவல் தெரிவிக்கின்றன.

பான் கீ மூன், குறித்த நிபுணர்கள் குழுவை அமைத்து அதன் அறிக்கையைப் பாது காப்புச் சபையில் சமர்ப்பித்தால் சீனாவும் ரஷ்யாவும் தமது வீட்டோ அதிகாரத்தைப் பயன்படுத்தி அதனைத் தடுக்கும் எனவும் அந்தத் தகவல்கள் மேலும் தெரிவித்தன.

அதேவேளை ஐக்கிய நாடுகள் செயலாளர் நாயகத்தின் இந்தச் செயற்பாடு குறித்து அணிசேரா நாடுகளின் தலைமைப் பொறுப்பை வகிக்கும் எகிப்து ஜனாதிபதி யஹாஸ்னி முபாரக்கும் தனது எதிர்ப்பை வெளியிட்டுள்ளார்.

வாடகை வீட்டுச் சமாச்சாரம் நீதிபரிபாலனம் தலையிட வேண்டும்

யாழ்ப்பாணத்தில் நடைபெறும் அதிரடிச் சம்பவங்கள் ஆழ்ந்த கவலையைத் தருகின்றன. தென்பகுதி மக்கள் இலட்சக் கணக்கில் யாழ்ப் பாணத்துக்கு வருகை தருவது, நல்லூர்க் கந்தன் ஆலயத்தில் கண்காட்சிக்குரிய இடம்போல் கூடுவது, திருவிழாக் காலங்கள் தங்கள் ஜீவனோபாயத்திற்காக சிறுவர்த்தகம் நடத்திய நல்லூர் வளாகத்தில் நடைபாதை வியாபரம் நடத்துவது,

நாவலர் கலாசார மண்டபத்தில் தங்கியிருந்து மதுவும், புலாலும் உண்டு களிப்பது என்ற பல்வகைத் துன்பங்கள் எங்கள் இதயங்களைத் துளைக்கின்றன. இவை ஒருபுறத்தில் நடந்தேற மறுபுறத்தில் தென்பகுதி மக்களின் வருகையோடு கோடிக் கணக்கில் பணம் உழைக்கும் கூட்டமொன்று வாடகை வீட்டில் இருப்பவர்களைத் துரத்தும் மாபாதகத்தைச் செய்கின்றது. மாதக் கணக்கில் வாடகை வேண்டியவர்களுக்கு இப்போது நாள் கணக்கில் வாடகை பெற்றுக் கொள்ள விருப்பம். அதனால் வாடகை வீடுகளில் இருப்பவர்களை மிக மோசமாக நடத்தும் பரிதாபம் நடந்தேறுகின்றது.

இது பற்றி இவ்விடத்தில் முன்னரும் குறிப்பிட்டிருந்தோம். இருந்தும் இது விடயத்தில் எதுவித நடவடிக்கையும் எடுக்கப்படவில்லை. அதேநேரம் வாடகை வீடுகளில் இருப்பவர்களைத் துரத்தும் நடவடிக்கை வேகமெடுத்துள்ளது. எதுவித அவகாசமும் வழங்கப்படாமல், வீட்டின் உரிமையாளர்கள் குடியிருக்கப் போவதாகக் கூறி வாடகைக் குடியிருப்பாளர்களை வெளியேற்றும் நடவடிக்கையானது அடிப்படை மனித உரிமை மீறலாகும்.

ஆகவே இது தொடர்பில் நீதி பரிபாலனம் விசேட நடைமுறைகளை அமுல்படுத்த வேண்டும். அதேசமயம் சர்வதேச அரச சார்பற்ற நிறு வனங்களும் தங்களின் பார்வைக்குள் வாடகைக் குடியிருப்பாளர்களின் அவலங்களை உள்ளீர்த்துக் கொள்வது காலத்தின் கட்டாயமாகும்.

மனித உரிமை மீறல், சிறுவர் உரிமை மீறல், பெண்ணடிமை என்ற பட்டியலில் வீட்டு உரிமையாளர்களால் வாடகை வீட்டிலிருப்போர் நிந்திக் கப்படுதல் என்ற விடயத்தையும் சேர்த்துக் கொள்ளலாம். இது தொடர்பில் பாதிக்கப்படுபவர்கள் தரும் முறைப்பாட்டை ஏற்றுக் கொண்டு விளக்கம், விசாரணை நடத்தும் நடைமுறைக்கு அரச, அரச சார்பற்ற அமைப்புக்கள் களம் அமைப்பது உடனடித் தேவையாகும்.

இதற்கு அப்பால் சம்பந்தப்பட்டவர்கள் ‘வாடகை வீட்டில் குடியிருப்போர் சங்கம்’ உருவாக்குவது பற்றிய சிந்திக்கலாம். எதுவாயினும் எந்த வடிவிலும் மனித நிந்தை இந்த மண்ணில் இல்லாதொழிய வேண்டும்.
thanks valampurii news paper 

கப்பலிற்காக காக்க வைக்கப்பட்டு மோதலின்றி அழிக்கப்பட்ட போராட்டம் : தோற்கவில்லை - அழிக்கப்பட்டது”

போராட்டம் தோற்கவில்லை - அழிக்கப்பட்டது”  இது விழுந்தாலும் மீசையில் மண் படவில்லை என்ற பாணியிலான, தோல்வியை ஏற்காத மனப்பான்மையின் வெளிப்பாடல்ல. வழுக்கி விழுந்தால் என்ன? கால் தடம் போடப்பட்டு விழுந்தால் என்ன? தடையால் வீழ்த்தப்பட்டால் என்ன? மீண்டும் எழுந்திருக்க வேண்டும் என்ற முனைப்பை நினைவூட்ட எழுதப்படுகிறது.

இதன் பொருள் உடனடியாகச் சாத்தியமில்லாத ஆயுதப் போராட்டத்தை தொடங்குவது என்பதல்ல. சிங்களத் தலைமைகள் தமது தவறான, நியாயமற்ற செயற்பாடுகளிற்கு, ஜனநாயகம், தேர்தல் போன்றவற்றை பாவிக்கும் போது, தமிழராகிய நாம் நமது நியாயத்தை நிலை நிறுத்த அதே தேர்தல், ஜனநாயகம் போன்றவற்றைப் பாவிக்க முற்படவேண்டும் என்ற கருத்தை ஞாபகப்படுத்த எழுதப்படுவதாகும். மகிந்த தனக்கு ஆயுதத்தில் தான் நம்பிக்கை என்று கூறிக் கொண்டு வாக்களிப்பை பாவியாது விடவில்லை. வீழ்ந்ததோ அல்லது வீழ்த்தப்பட்டதோ ஏதோ உண்மை தான். ஆனால் இன்னமும் எழுந்திருக்கவில்லை என்பதும், இயலுமான வாக்களிப்பு அரசியலைக் கூட உரிய முறையில் கையாள முயலவில்லை என்பதை சுட்டிக் காட்டுவதே இதன் நோக்கமாக உள்ளது. பல்லாயிரக் கணக்கான போராளிகளின் தியாகங்களையும் வீர தீரங்களையும் யாரும் கொச்சைப்படுத்த இயலாது. ஆனால் அதே தரப்பில் வெளி நாடுகளில் நிதி சேகரிப்புத் துறையினரது மோசடிகளையும், அரசியல் துறையில் செயற்பட்டவர்கள் அவர்களை கப்பலிற்காக கடற்கரையில் காக்க வைத்து மோதலின்றி மொத்தமாக அழிபட வைத்துள்ளமையை யாரால் மன்னிக்க முடியும்? இதுவே இறுதி நேரத்தில் போராளிகள் பலரும் தமது உறவினரிற்கு தெரிவித்த கருத்தாக இருக்கிறது. காட்டுக்குள் இருந்த நாங்கள் ஏன் தான் கடற்கரைக்கு போகும்படி கட்டளையிடப் பட்டோமோ தெரியாது என்றும் அவர்கள் அங்கலாய்த்திருப்பதாகவும் தெரிகிறது. யாருமே எதிர்பாராத மிகப் பெரிய மோசடியும் ஏமாற்றும் அங்கே இறுதி நேரத்தில் அரங்கேற்றப்படடுள்ளது. எனவே ஆயுதப் போராட்டமானது மற்றத் துறைகளின் சமாந்தர வளரச்சியும் பக்குவமும் இன்றி துரிதமாக வளர்ந்திருந்திருக்கிறது. குறிப்பாக புலிகளின் அரசியற் துறை வெளிநாடுகளில் மிகவும் பேதமைமிக்கதாக இருந்திருக்கிறது புலனாகிறது. ஒரு இனத்தின் போராட்டத்தின் பெரும் பகுதியும் முக்கியமான அம்சமும் ஆயுதப் போராட்டந்தான். ஆனால் இன்றைய உலக ஒழுங்கில் அது மட்டுமே வழி என்பதல்ல. இப்போது சாத்தியமான மார்க்கங்களிலும் பயணிக்காது செயலற்று இருப்பதால் எதையும் பெற இயலாது. எழும்ப இயலாத அளவு அடி வீழந்திருப்பது புரிகிறது. அத்தோடு அதற்குள் இயல்பு நிலைக்கு திரும்ப முன்னரே சிங்களம் தேர்தற் போரைத் தொடங்கி விட்டது. சுதந்திர இலங்கையில் அரச ஆயுதங்கள் தமிழர் உயிர்களையும் உடமைகளையுந் தான் அழித்தன. தேர்தல் மூலமான தெரிவுகளே உரிமை மறுப்புச் சட்டங்ளையும் அரசியலமைப்பு மோசடிகளையும் நிறைவேற்றி வந்திருக்கின்றன. எனவே அவற்றை எதிர்கொள்ள வேண்டிய தேவை தமிழராகிய நம் முன்னே உள்ளது. இந்த நிலையில், பல்வேறு கட்சிகளாக கொள்கை அடிப்படையில் பிரிந்து விட்டாலும் , ஒரு தேர்தற் கூட்டணி அமைக்க இயலாது போனமை தான் வேதனைக்குரியது. எங்கள் தலைமைகளால் மகிந்தவுடன் பேச முடிகிறது செம்மணிப் புதைகுழி சரத் பொன்சேகாவை இராஜதந்திர ரீதியில் தேர்தலில் ஆதரிக்க முடிகிறது. ஆனால் காங்கிரசாலும் தமிழரசாலும் பேசி ஒரு இணக்கப்பாட்டிற்கு வந்து ,தமிழர் தேசியக் கூட்டமைப்பை நிலை நிறுத்த இயலவில்லை. ஒரு தேர்தற் கூட்டணியை நமது கட்சிகளால் அமைக்க இயலவில்லை. அதற்குக் காரணம் வெளிநாடுகளில் இருந்து எழுந்த அதே தமிழர்களின் அரசியல் ஞானமற்ற அழுத்தங்கள் தான் என்று உள்ளக வட்டாரங்கள் மனம் வருந்துகின்றன. தமிழரது போராட்டம் வெளிநாட்டுச் செயற்பாட்டாளர்களால் தான் மோசமான நிலைக்கு சென்றது என்றும் பல மட்டங்களிலும் பேசப்படுகிறது. இந்த நேரத்தில் தாயக நிலத்தில் உள்ள தலைமைகளும் வெளிநாட்டில் உள்ள தலைமைகளும் வேண்டியளவு பொறுமையுடனும் விட்டுக் கொடுப்புடனும் நடக்கவில்லை என்று கருதப்படுகிறது. கடந்த 2009ம் ஆண்டு ஏப்ரல் மாத ஆரம்பத்தில், விடுதலைப் புலிகளின் ஒரு டசினிற்கும் மேற்பட்ட மேன்நிலை தலைமைகள் ஒரே வீச்சில் அழிக்கப்பட்டமை உங்களிற்கு ஞாபகமிருக்கலாம். அன்று ஆனந்தபுரத்தில் தீபன், விதுஜா, கீர்த்தி , நாகேஷ் , குட்டி, கடாபி , அமுதன் , மணிவண்ணன் எனப் பலரும் வீழ்த்தப்பட்டது புலிகள் தரப்பின் மோசமான வீழச்சியாகும். இத்துடன் வழி நடாத்தும் ஆற்றலை புலிகள் பெருமளவு இழந்து விட்டிருந்தனர். இந்த பின்னடைவிற்கான காரணம் காட்டிக் கொடுப்பா அல்லது செய்மதி அவதானிப்பா என்று தெரியவில்லை. பின்னர் கடற்கரைக்கு புலிப் படைகளைப் போகும்படி கட்டளை பிறப்பிக்கப்பட்டமை தெரியவருகின்றது. எல்லோரையும் ஏற்றிச் செல்ல ஒரு கப்பல் வரும் போன்ற ஒரு நிலையை நம்பி அவர்கள் அனைவரும் சென்றிருக்கிறார்கள். காட்டிற்குள் தோன்றி, காட்டிற்குள் வளர்ந்து, காட்டிற்குள்ளே பாதுகாப்பாக இருந்த புலிகளை பலிக்களமாகிய கடற்கரைக்கு கொண்டு வந்தது யார்? அதில் புலிகள் தரப்பை சரணடையத் தூண்டியவர்கள் யார்? அந்தத் தொலைபேசி உரையாடல்கள் பதிவு செய்யப்படவில்லையா? அப்படியாயின் அவை ஏன் வெளியிடப்படவில்லை? சாட்சியற்ற இருண்ட போர் விவகாரங்கள் எதையும் தெரியாத நிலையில் தமிழர் தரப்பு உள்ளது. விசாரனைகளiயோ வெளிநாட்டு ஊடகங்களையோ, வெளிநாட்டுத் தொண்டர் நிறுவனங்களையோ இலங்கை அனுமதிப்பதாக இல்லை. அதற்கான அழுத்தங்களை செய்யவோ, செய்விக்கவோ எந்த முனைப்பும் வெளிநாடுகளிலும் இல்லை. போராட்டம் தீவிற்குள்ளும் வெளியேயும் தேர்தற் களை கட்டியுள்ளது. அனைவரும் தேர்தற் கவனத்தில் உள்ளனர். அவலங்கள் தொடர்கின்றன. ஆனால் அவலங்கள் ஏதும் இல்லை என ரூபவாகினிப் பாணியில் தமிழ் வானொலி ஒன்று கனடாவில் அலறுகின்றது. சிங்களவர் வன்னியில் குடியேறினால் என்ன என்று இன்னொரு தமிழ் வானொலி கேலியாகக் கேட்கிறதாகவும் வதந்தி? வர்த்தக மேலாதிக்கம் திட்டமிடப்பட்ட முறையில் முதல் கட்டமாக ஆரம்பித்துள்ளது. அந்தப் பொருளாதாரத்தைச் சுற்றி ஒரு குடியேற்றம் நிகழும். அது பாராம்பரிய மண் அபகரிப்பாக மாறும். இது முறிகண்டியில், கிளிநொச்சியில், பூநகரியில் எல்லாம் இடம் பெறுவதாக செய்திகள் வருகின்றன. ஆனால் இங்கே கனடா, ரொறன்ரோவில் உள்ள இந்த ஊர்ச் சங்கங்களில் ஒன்று கலைவிழாச் செய்வதில் முனைப்புக் காட்டுகிறது. ஆனால் மறுபுறத்தில் கிளிநொச்சி மற்றும் பூநகரிப் பகுதிகள் இராணுவ மயமாக்கப்பட்டு சிங்கள மயமாக்கப்படுகின்றன என்ற செய்திகள் வெளியாகின்றன. ஜனாதிபதி தேர்தல் காலத்தில் முட்கம்பி வேலிகளைத் திறந்து விட்ட மகிந்த அரசு பாராளுமன்றத் தேர்தல் காலம் என்றும் பாராது பூநகரியில் பொலிஸ் நிலையம் ஒன்றைத் திறந்துள்ளது. இதற்கு பூநகரியின் கேந்திரமே காரணமாகும். இது பற்றி பிறிதொரு சந்தரப்பத்தில் விரிவாகப் பார்ப்போம். தாயகத்தில் மக்களோ, தமிழரது ஆயுதப் போராட்டம் தோற்று விட்டது. இனி எங்களால் எதையும் செய்ய முடியாது. நடப்பதைக் காண வேண்டியது தான் என்ற ஒரு விரக்தி நிலையில் உள்ள நிலையில் தேர்தல்கள். தோற்பது வேறு தோற்க அழிக்கப்படுவது வேறு. உலகில் உள்ள எந்தப் பலமான அரசும் தோற்கடிக்கப்படலாம் அல்லது அழிக்கப்படலாம். இது அந்த நாட்டை எத்தனை நாடுகள் எவ்வளவு காலமாக என்னென்ன வழிகளில் சுற்றி வளைக்கின்றன என்பதைப் பொறுத்தது. எனவே இதைத் தமிழர் தரப்பின் முழுத் தவறென தப்புக் கணக்குப் போடாது, இது இந்திய, இலங்கை ஆகிய நாடுகள் சுற்றியுள்ள நாடுகளையும் சேர்த்துக் கொண்டு ஒரு சிறிய தீவினுள் இருந்த ஒரு போராட்ட அமைப்பை பாரிய நீண்ட நாள் திட்டத்தின் அடிப்படையில் நசுக்கி அழித்து விட்டார்கள் என்பது தான் உண்மை. காலங் கடந்து எந்தப் பேரரசும் நிலைத்ததில்லை. அவை கூடத் தாமாகவே நலிந்து இருக்கையற்றுப் போயுள்ளன. இந்த நிலையில் தமிழீழ நிழலரசு அழிப்பை கண்டு தமிழர் துவள்வதில் அரத்தமில்லை. நமது போராட்டம் கப்பல்களில் வரும் ஆயுதங்களை நம்பி வளர்ந்த கப்பல் போராடம் என்பதை உணர்ந்த இந்தியா 18 கப்பல்களைக் கவிழ்த்து போராட்டத்தையும் கவிழ்த்து விட்டது. இந்தியா தனி நாட்டுக் கோரிக்கை இலங்கைத் தீவில் எழுவதை விரும்பாத ஒன்று. இதற்குக் காரணம் பாக்கு நீரிணைக்கு இரு புறமும் தமிழ் பேசுபவர்கள் இருப்பது தான். தமிழகத்திழலோ அன்றில் தமிழ் ஈழத்திலோ தமிழர் இல்லாவிடின் இந்தியாவின் அணுகுமுறை பங்களாதேஷை ஒத்ததாக அமைந்திருக்கும். எனவே இலங்கைத் தீவில் பல்லின இனங்களும் கலந்து வாழும் கலப்பு, வன்னியில் மேற்கொள்ளப்படுவதை இந்தியாவும் விரும்பும். ஆகவே மகிந்தவின் ஆட்சிக் காலத்தில் குடியேற்றங்கள் எதுவித தடையுமின்றித் தொடரும் அபாயம் தவிர்க்க இயலாதது. ஆனந்தபுர அழிப்பைப் போலவே முல்லைத்தீவு, அலம்பலில் கடற்புலிகளும் செயலிழக்க வைக்கப்பட்டனர். இதைச் செய்த 57 பிரிவே கைப்பற்றலை வெற்றிகரமாக நடாத்தி முடித்த அணியாகும். புலிகளின் அழிக்க இயலாத பல படையணிகளில் எதுவும் மோதலில் ஈடுபடாத நிலையில் குறிப்பாக கடற்புலிகள் அணிகள் அலம்பலில் பின்னடிக்கப்பட்டு செயலிழக்க வைக்கப்பட்டமை அவதானிப்பிற்குரியது. இவற்றை நிட்சயம் வேண்டிய தகவலின்றியோ அன்றில் நீண்ட நாள் திட்டம் இன்றியோ செய்திருக்க இயலாது. இவ்வாறான பாரிய தாக்கம் எதுவும் யாரையும் நிலை தடுமாற வைப்பது இயல்பே. ஆனால் அதிலிருந்து விரைந்து மீண்டு ஜனநாயக அரசியலையாவது ஒற்றுமையாகவும் , விவேகத்துடனும் நகர்த்த வேண்டியதே நமது இன்றைய கடமையாகும். கப்பல் ஓட்டிய தமிழர்கள் இறுதியில் கப்பலிற்காக காத்திருக்க வைக்கப்பட்டு மோசமாக அழிக்கப்பட்டமைக்கு புலிகளிற்கு நம்பிக்கையான ஒரு தரப்பும் காரணமாக இருந்திருக்க வேண்டும். thanks tamilwin....

பழைய பிளாஸ்டிக் பொருட்களிலான மிதவைப் படகின் பயணம் ஆரம்பம்

பிளாஸ்டிகி எனும் படகு ஒன்று கடந்த சனிக்கிழமை தனது 20,000 கிலோமீட்டர் தூர பயணத்தை சான்பிரான்ஸிஸ்கோவில் இருந்து ஆரம்பித்தது. இதிலென்ன ஆச்சரியம்? சாதாரண படகுதானே என்று எண்ணிவிடாதீர்கள்.

இது முழுக்க முழுக்க காலியான, வீசி எறியப்பட்ட பழைய பிளாஸ்டிக் போத்தல்களாலானது என்றால் ஆச்சரியமாக இல்லையா?

காலியான பிளாஸ்டிக் போத்தல்கள் மற்றும் பொருட்களால் சமுத்திரங்களில் பாரிய விளைவுகள் ஏற்பட்டு வருகின்றன. இது பற்றிய விழிப்புணர்வைக் கொண்டு வருவதற்காக சுற்றுச்சூழல் ஆர்வலர் குழு ஒன்று வித்தியாசமான கடல் பயணம் ஒன்றை ஆரம்பித்துள்ளது.

'ரீசைக்லிங் 'என்று சொல்லப்படுகின்ற முறையில் பழைய பிளாஸ்டிக் குப்பைகளில் இருந்து உருவாக்கப்பட்டது தான் இந்த பிளாஸ்டிகி.

12000க்கும் அதிகமான போத்தல்களை வரிசை வரிசையாக ஒட்டி ஒட்டி இதுபோன்ற இரண்டு மிதவைகளைக் கொண்ட பாய்மரப் படகுகள் உருவாக்கப்பட்டன. இவற்றின் மீது ஏறி துணிச்சல்மிக்க சுற்றுச்சூழல் ஆர்வலர் குழு ஒன்று பசிபிக் கடலைக் கடக்கவுள்ளது. இவர்களின் பயணமே கடந்த சனியன்று ஆரம்பமானது.

இந்தப் படகுகள் கிட்டத்தட்ட முற்றிலுமாகவே உபயோகப்படுத்தப்பட்டு வீசப்பட்டிருந்த பிளாஸ்டிக் பொருட்களிலிருந்து மீளுருவாக்கப்பட்ட உபகரணங்களாலானவை.

இவற்றில் பயணிப்பவர்கள் ஒரே நீரைத் திரும்பத் திரும்பப் பயன்படுத்துவதற்கான வசதியும், உடற்பயிற்சிக்கான சைக்கிளை மிதிக்கும்போது அதிலிருந்து மின்சாரம் உற்பத்தியாகும் வசதியும் செய்யப்பட்டுள்ளது.

கடற்கரைகளில் இறைந்து கிடக்கும் பிளாஸ்டிக் குப்பைகள் கடலை ஒட்டி வாழும் பறவைகளையும் கடல் வாழ் உயிரினங்களையும் ஆயிரக்கணக்கில் கொன்றுவருகிறன.

தவிர கடலில் விடப்படுகின்ற பிளாஸ்டிக் குப்பைகள் ஒன்று சேர்ந்து பெரும் பெரும் திட்டுக்களாகச் சமுத்திரத்தில் பல இடங்களிலும் மிதந்துகொண்டிருக்கின்றன. இவை ஒன்றாய்ச் சேர்ந்து 'குப்பைத் தீவு' உருவாகியிருக்கும் தகவல்களும் அண்மையில் வெளியாகியிருந்தமை குறிப்பிடத்தக்கது

தேசிய வீர மாணவர் விருது' நிகழ்வில் தமிழ் மாணவிக்குத் தங்கம்

' தேசிய வீர மாணவர்களுக்கான விருது' நிகழ்வு இன்று பத்தரமுல்லையிலுள்ள கல்வி அமைச்சில் இன்று நடைபெற்றது. நிகழ்வில் மானிப்பாய் மகளிர் கல்லூரியைச் சேர்ந்த சின்னராசா தனன்சிகா என்ற தமிழ் மாணவிக்குத் தங்க விருது வழங்கிக் கௌரவிக்கப்பட்டது.

தனது உயிரை துச்சமென மதித்து உயிராபத்தை எதிர்நோக்கிய மாணவர்களுக்குத் தக்கசமயத்தில் உதவிபுரிந்த மாணவர்களில் தேர்ந்தெடுக்கப்பட்டவர்கள் தேசிய வீர மாணவர்களாக கௌரவிக்கப்பட்டு வருகின்றனர்.

இரண்டாவது தேசிய வீர மாணவர்களுக்கான விருது வழங்கும் நிகழ்வே இன்று நடைபெற்றது.

உக்கிரமாக யுத்தம் நடந்து கொண்டிருந்த காலகட்டத்தில், செல் தாக்குதல்களுக்கு மத்தியில், பதுங்குக் குழிக்குள் சிக்கிக்கொண்ட 11வயது மாணவரை பேராபத்திலிருந்து காப்பாற்றியமைக்காகவும் மேலும் சிலரை உயிராபத்திலிருந்து காப்பாற்றியமைக்காவும் இந்த விருது மேற்படி மாணவிக்கு வழங்கப்பட்டது

மனிதனின் இளமை எப்போது முடிவு? முதுமை எப்போது ஆரம்பம்? : இங்கிலாந்தில் ஆய்வு

மனிதனுக்கு 35 வயது முடிவில் இளமைப் பருவம் முடிந்து 36 முதல் நடுத்தர வயது ஆரம்பமாகிறது. அதே நேரத்தில் 58 வயதில் முதுமை தொடங்குகிறது என்று புதிய ஆய்வு ஒன்றில் கண்டறியப்பட்டுள்ளது.

உலகம் முழுவதிலும் மனிதனின் நடுத்தர வயது மற்றும் முதுமை எப்போது தொடங்குகிறது என்பதில் சர்ச்சை நிலவி வருகிறது. இதனையடுத்து இங்கிலாந்தில் ஆய்வு ஒன்று அண்மையில் மேற்கொள்ளப்பட்டது.

கெந்த் பல்கலைக்கழகப் பேராசிரியர் டொமினிக் அப்ராம்ஸ் ஐரோப்பிய நாடுகளின் அனுசரணையுடன் இந்த ஆய்வை நடத்தினார். எப்போது இளமை முடிகிறது? முதுமை எப்போது ஆரம்பமாகிறது என்பது குறித்தே இந்த ஆய்வு நடத்தப்பட்டது.

இதன்போது, 35 வயதில் இளமைபருவம் முடிவடைந்து 36 முதல் நடுத்தர வயது ஆரம்பமாகிறது என்றும் அதே நேரத்தில் 58 வயதில் முதுமை தொடங்குகிறது என்றும் ஆய்வில் கண்டறியப்பட்டது.

இது பெண்களைவிட ஆண்களுக்கு 2 வயதுக்கு முன்பே தொடங்கி விடுகிறது. மேலும் ஐரோப்பிய நாடுகளுக்கு இடையே இது சற்று வித்தியாசப்படுகிறது என்றும் கூறப்பட்டது.

நோர்வே உள்ளிட்ட சில நாடுகளில் இளமை 34 வயதிலேயே முடிகிறது என்றும் 57 வயதில் முதுமை தொடங்குவதாகவும் மேற்படி ஆய்வு மேலும் தெரிவிக்கிறது.

உலகக் கிண்ண கால் பந்து போட்டியில் பெக்கம் விலகல்

எதிர்வரும் ஜூன் 11 ஆம் திகதி தென் ஆபிரிக்காவில் ஆரம்பமாக உள்ள உலககிண்ண கால்பந்து தொடரில் இங்கிலாந்து அணியின் நட்சத்திர வீரர் டேவிட் பெக்கம் விளையாட மாட்டார் என தெரிவிக்கப்பட்டுள்ளது.

இத்தாலி ஏ.சி.மிலன் நகரில் நடைபெற்ற கால் பந்து போட்டியில் ஏ.சி.மிலன் அணிக்காக களமிறங்கிய பெக்கம், கோல் அடிக்க முயற்சித்த போது, காலின் பின்பகுதியில் பலத்த காயம் ஏற்பட்டது.

மருத்துவமனையில் அனுமதிக்கப்பட்ட பெக்கமிற்கு சத்திர சிகிச்சை செய்ய வேண்டி இருப்பதுவே அவர் போட்டியில் பங்கு பற்றாமைக்கு காரணம் எனவும் தெரிவிக்கப்பட்டுள்ளது.

உலககிண்ண கால் பந்து தொடரில் தொடர்ந்து 3 முறை விளையாடியவர் என்பதும் குறிப்பிடத்தக்கது. 

உலகின் குள்ள மனிதர் பிங்பிங் திடீர் மரணம்

உலகில் குள்ளமான மனிதராக கின்னஸ் புத்தகத்தில் இடம் பெற்ற பிங் பிங் (வயது 21) நேற்று மரணமானார். இத்தகவலை பிரிட்டனின் கின்னஸ் உலக சாதனை நிறுவனம் அறிவித்துள்ளது.

சீனா நாட்டைச் சேர்ந்த பிங்பிங் தொலைக்காட்சித் தொடர் ஒன்றில் நடிப்பதற்காக இத்தாலியில் உள்ள ரோம் நகருக்குச் சென்றிருந்தார். அங்கு அவருக்குத் திடீரென நெஞ்சுவலி ஏற்பட்டது.

வைத்தியசாலையில் அனுமதிக்கப்பட்ட அவர் சிகிச்சை பலனின்றி உயிரிழந்தார்.

பிங் பிங்கின் உயரம் ஆக 74.6 சென்டி மீட்டர் (2 அடி 5 அங்குலம்) மட்டுமே.

கடந்த ஞாயிறன்று இஸ்தான்புவில் நடைபெற்ற கலை நிகழ்ச்சி ஒன்றிலும் இவர் கலந்து கொண்டார். அங்கு வந்திருந்த, கின்னஸ் புத்தகத்தில் இடம்பிடித்த உலகத்தின் அதி உயர்ந்த மனிதரான சுல்தான் கோசனுடன் இவர் உரையாடி மகிழ்ந்தார்.

இவரது திடீர் மறைவு சீன நாட்டினருக்குப் பெரும் அதிர்ச்சியை ஏற்படுத்தியிருப்பதாகத் தெரிவிக்கப்படுகின்றது. _

C N N லைக்காட்சி வழங்கிய வன்னி மக்களின் கண்ணீர் கதைகள்

         வன்னியில் நடைபெற்ற போரில் பாதிக்கப்பட்ட தமிழ் மக்களின் கதைகள் கண்ணீர் வெள்ளத்தையும்,ஆத்திரத்தையும்,வெறுப்பையும் எற்படுத்தியது தமது எதிர் காலத்தை தொலைத்துவிட்ட பலர் புதிய சூழ்நிலைகளுடன் இணைந்து வாழ முடியாதவர்களாய் உள்ளனர் என் அமெரிக்காவை தளமாக கொண்ட க்ன்ன் தொலைக்காட்சி தனது ஆய்வில் தெரிவித்துள்ளது

PART 1


PART 2


PART 3


PART 4

இரண்டாவது அதி வயது கூடிய அமெ. பெண்மணி 114 வயதில் காலமானார்

மேரி ஜொசப்பின் எனும் அமெரிக்கப் பெண்மணி தனது 114 ஆவது வயதில் கடந்த ஞாயிற்றுக்கிழமை காலமானார். இவர் கனடாவில் 1895ஆம் ஆண்டு மே மாதம் 17 ஆம் திகதி பிறந்தவர்.

1923ஆம் ஆண்டு இவர் வோல்டர் என்பவரை மணந்து கொண்டார். இவரது கணவர் 1967 ஆம் ஆண்டு மரணமானார். இவருக்கு இரண்டு மகன்களும் எட்டுப் பேரப்பிள்ளைகளும, 13 கொள்ளுப் பேரர்களும் உளர்.

இவரே உலகின் இரண்டாவது அதி வயது கூடிய பெண்மணியாவார். முதலாவது வயது முதிர்ந்த, ஜப்பானைச் சேர்ந்த பெண்மணி, இவரைவிட 7 நாட்களே மூத்தவர் என்பது குறிப்பிடத்தக்கது.

அமெரிக்காவின் மற்றுமொரு 114 வயது பெண்மணியான நேவா மொரிஸ் என்பவரும் காலமானார். இவர் 1895 ஆம் ஆண்டு ஆகஸ்ட் மாதம் 3ஆம் திகதி பிறந்தவர்.

பிரான்ஸைச் சேர்ந்த யூஜின் பிளான்சார்ட் மூன்றாவது அதி வயது கூடிய பெண்மணியாகக் கருதப்படுகின்றார். இவர் 1896ஆம் ஆண்டு பெப்ரவரி 16ஆம் திகதி பிறந்தவர்.

அமெரிக்காவில் சுமார் 96,000 பேர் 100 வயதைத் தாண்டியும் வாழ்ந்து கொண்டிருப்பதாக கின்னர்ஸ் உலக சாதனை அமைப்பைச் சேர்ந்த பிரமுகர் ஒருவர் தெரிவிக்கின்றார்.

தனது 100 ஆவது பிறந்த தினத்தை வன்னியில் கொண்டாடத் துடிக்கும் தாய்

எனது வாழ்க்கையில் 100 வயது வரை வாழ்ந்தவர்களை நான்காணவில்லை. எனது கிராமத்தில் இருந்தவர்கள் யாரும் அவ்வாறு நீண்டகாலம் வாழ்ந்ததில்லை நான்தான் முதல்தடவையாக அவ்வாறு வாழ்கிறேன். எனவே எனது கிரா மத்துக்குச் சென்று அதனைக் கொண்டாட விரும்புகிறேன். இவ்வாறு தெரிவித்துள்ளார் வன்னியிலிருந்து இடம் பெயர்ந்து தற்போது கொழும் பில் தங்கியுள்ள 99 வயது நிரம்பியருமதி அருளம்மா தம்பிராசா என்ற தமிழ்த் தாய்.

வன்னியில் போர் நடைபெற்ற போது ஒவ்வொரு நிமிடமும் பயங்கரமாகவே நகர்ந் தது. எல்லாப்பக்கமும் எறிகணைகள் வீழ்ந்து வெடித்தன. நாம் உயிர்தப்புவோம் என எண்ணவில்லை என வன்னியில் நடைபெற்ற போரில் உயிர் தப்பிய 99 வயது நிரம்பிய அருளம்மா தம்பிராசா, ஐ.ஆர்.ஐ.என். செய்தி நிறுவனத்திற்கு தெரிவித்ததாக அது தனது செய்திக் குறிப்பில் தெரிவித்துள்ளது.

அதில் மேலும் தெரிவிக்கப்பட்டுள்ளதாவது, கடந்த வருடம் இந்த நேரம் வன்னியில் நடைபெற்ற போரில் சிக்கியிருந்த பல ஆயிரம் பொதுமக்களில் அருளம்மா தம்பிராசாவும் (99 வயது) ஒருவர் அரசு படைகளுக்கும் விடு தலைப்புலிகளுக்குமிடையில் நடைபெற்ற மோதல்களில் பெருமளவான பொதுமக்கள் கொல்லப்பட்டிருந்தனர்.

கிளிநொச்சி மாவட்டத்திலுள்ள பரந்தன் நகருக்கு அண்மையான கிராமமான நவஜீ வனம் பகுதியை கடந்தவருடம் ஜனவரி மாதம் மோதல்கள் அண்மித்தபோது அருளம்மா வின் குடும்பம் விடுதலைப் புலிகளின் கட்டுப் பாட்டு பிரதேசத்தின் ஆழமான பகுதிக்கு இடம் பெயர்ந்திருந்தது. அருளம்மாவை அவரின் மகன்களும் பேரப் பிள்ளைகளும் கதிரையில் வைத்து தூக்கி சென்றிருந்தார்கள். 2009ஆம் ஆண்டு ஏப்ரல் மாதம் இடம் பெயர்ந்த மக்கள் தங்கியிருந்த முகாம்களுக்கு அருளம்மா தனது குடும்பத்துடன் வந்து சேர்ந்தார்.

அவர் தற்போது கொழும்பிலுள்ள தனது உறவினர்களுடன் வாழ்ந்துவருகிறார். போர் நடைபெற்ற போது ஒவ்வொரு நிமிடமும் பயங்கரமாகவே நகர்ந்தது. எல்லாப்பக்க மும் எறிகணைகள் வீழ்ந்து வெடித்தன. நாம் உயிர் தப்புவோம் என எண்ணவில்லை. அங்கு ஒவ்வொரு வினாடியும் ஒரு வாழ்நாளாகவே நகர்ந்தன என அருளம்மா தெரிவித்திருந்தார்.

அன்றைய பயங்கர அனுபவம் தொடர்பில் அவர் மேலும் தெரிவித்துள்ளதாவது, எனது மகன்கள் என்னை தூக்கிவந்தனர் ஒரு இடத் தில் சொற்பநேரமே எம்மால் தங்கமுடிந்தது. அது மிகவும் பயங்கரமான காலம். உணவை பெறுவதும் காலைக்கடன்களை முடிப்பதும் கடினமாகவே இருந்தது. இதன் போது உயி ரையிழக்கவும் நேரலாம் என்ற அச்சங்கள் ஏற்பட்டிருந்தன.



கடவுளின் கருணையால் நான் தற்போது இங்கு இருக்கிறேன். அங்கிருந்து எவ்வாறு வெளியேறுவது என எமக்குத் தெரியவில்லை. எல்லாப்பக்கமும் மக்கள் அச்சத்துடன் ஓடிக் கொண்டிருந்தனர். மிகப்பெரும் குண்டு வெடிப்பு கள் நிகழும் ஒவ்வொரு சந்தர்ப்பத்திலும் நான் எனது கண்களை மூடிக்கொண்டேன்.

அது ஒரு கெட்டகனவு. எனது வாழ்வில் பல சம்பவங்கள் நடைபெற்றுள்ளன. நான் எனது 60ஆவது வயதுகளில் பேரப்பிள்ளைகளைக்கண்டபோதே போர் ஆரம்பமாகியிருந்தது. என்னால் கற்பனை செய்யமுடியாத நிகழ்வுகளை எல்லாம் நான் கண்டேன் பல மரணங்களையும், பேரழிவையும் கண்டேன். எனது கிராமத்திற்கு திரும்பவும் செல்லலாம் என அதிகாரிகள் கூறியபோது நாம் உடனடியாக திரும்பிச்செல்ல விரும்பவில்லை.

எனது கிராமத்தில் என்ன எஞ்சியுள்ளன என்பது தொடர்பில் எனக்கு எதுவும் தெரியாது. எமது வீடு அழிவடைந்துள்ளது. அங்கு எல்லா இட மும் கண்ணிவெடிகள் உள்ளன. நான் ஓய் வெடுக்க வேண்டுமென எனது பிள்ளைகள் விரும்புகின்றனர்.

எனது வாழ்க்கையில் 100 வயது வரை வாழ்ந்தவர்களை நான்காணவில்லை. எது கிராமத்தில் இருந்தவர்களில் யாரும் அவ் வாறு நீண்டகாலம் வாழ்ந்ததில்லை. நான்தான் முதற்தடவையாக அவ்வாறு வாழ்கிறேன். எனவே எனது கிராமத்திற்குச் சென்று அதனை நான் கொண்டாட விரும்புகிறேன்.எனது கிராமத்திற்குச் சென்று முன்னரை போல அமைதியாகவும் கவலைகள் இன்றியும் வாழவே நான் விரும்புகிறேன். இதுதான் எனது கனவு என அவர் மேலும் தெரிவித்துள்ளதாக அதில் தெரிவிக்கப்பட்டுள்ளது.